Pelikula nina Marian at Derek, ikinakasa na!

Thursday, April 10, 2014 12:49AM

Kumpirmado na ang pagsasama sa movie nina Marian Rivera at Derek Ramsay! Pumirma na ng three-movie contract si Derek kahapon sa Regal Entertainment at isa sa projects na nakatakda niyang gawin ay ang untitled movie with GMA Primetime Queen Marian.

Sa huli naming pakikipag-usap sa bida ng “Carmela”, nabanggit na niyang magsasama sila sa movie ni Derek. That time kasi, wala pang balita sa pagpirma ng aktor ng movie contract sa Regal. Eh, ngayong nakapirma na ang Kapatid contract star, ikinakasa na ng mag-inang Lily at Roselle Monteverde ang pagsasamahan nilang pelikula, huh!

Sa pagpirma ni Derek sa Regal, certified na siyang Regal Baby. Mula sa Star Cinema at Viva Films, masusubukan naman ang kakayahan sa box office ng aktor. As we all know, bahagi si Derek ng mga movies na tumabo sa takilya gaya ng Praybeyt Benjamin at No Other Woman. Isa rin siya sa ipinagmamalaking dramatic actor ng TV5 sa ginawa niyang movies made for TV.

After Marian, wish naming makasama rin ni Derek ang ex-girlfriend niyang si Solenn Heussaff na gaya ni Yan Yan ay contract star din ng Regal, huh! Masaya pag ang magiging project niya ay isang mainit na pelikula para sa tag-init, huh!

Source: abante.com.ph